Breaking News

پاکستانی تاریخ میں اتنی کرپٹ حکومت نہیں دیکھی! پی ٹی آئی کے رُکن اسمبلی اپنی حکومت کے خلاف پھٹ پڑے، عمران خان کے خلاف علمِ بغاوت بُلند کردیا

اسلام آباد(نیوز ڈیسک) کہتے ہیں کہ جب کبھی انسان پر بُرا وقت آتا ہے تو اس کا سایہ بھی ساتھ چھوڑ جاتا ہے جیسا کہ اب اپوزیشن کی جانب سے حکومت کے خلا ف تحریک کا آغاز ہو چکا ہے تو ایسے میں تحریک انصاف کی حکومت کو بھرپور اتحاد کی ضررت ہے مگر ان حالات میں پارٹی اراکین نے اپنا رنگ دکھانا شروع کر دیا ہے۔

 پی ٹی آئی کے رکن قومی اسمبلی میجر (ر) طاہر صادق اپنی ہی حکومت پر پھٹ پڑے۔ تفصیلات کے مطابق اٹک سے منتخب ہونے والے تحریک انصاف کے رکن قومی اسمبلی میجر ریٹائرڈ طاہر صادق نے اپنی ہی حکومت پر چڑھائی کرتے ہوئے کہا کہ عمران خان کی ٹیم نا اہل لوگوں پر مشتمل ٹیم ہے۔ میجر (ر) طاہر صادق نے کہا کہ عمران خان کی ٹیم نا اہل لوگوں پر مشتمل ہے۔انہوں نے کہا جب سے پاکستان بنا تب سے اس دور تک اتنی کرپشن نہیں ہوئی جتنی ان 2 سالوں کے دوران کی گئی ہے۔ نجی ٹی وی سے گفتگو کرتے ہوئے رکن قومی اسمبلی میجر (ر) طاہر صادق نے کہا کہ موجودہ حکومت نے بلدیاتی نظام اپاہج بنا دیا ہے۔ بلین ٹرین منصوبے کی حقیقت بتاتے ہوئے انہوں نے کہا کہ 10 ارب کی بجائے صرف سوا 3 کروڑ درخت لگائے گئے ہیں۔ان کا مزید کہنا ہے کہ 10 ارب درختوں کیلئے حکومت کے پاس نرسریاں ہی نہیں ہیں اتنے درخت کہاں سے آئے اور کہاں لگے؟۔حکومت کے پاس ان سوالات کے جوابات نہیں ہیں۔ واضح رہے کہ میجر (ر) طاہر صادق جہانگیرترین کے بہت قریب سمجھے جاتے ہیں۔ انہوں نے دو قومی اسمبلی اور ایک صوبائی اسمبلی کی نشست پر الیکشن لڑا تھا ، انہیں این اے 55 کی نشست چھوڑنے کا کہا گیا جس پر ملک امین اسلم نے الیکشن لڑنا تھا لیکن انہوں نے این اے 56 کی سیٹ چھوڑی جس پر تحریک انصاف نے انکی فیملی کو نظرانداز کردیا ۔

About Admin

Check Also

پی ٹی آئی کو دھچکا! اہم ترین رہنماء کو انتخابات کے لیے نا اہل قرار دے دیا گیا

اسلام آباد(نیوز ڈیسک) ضمنی الیکشن سے قبل پاکستان تحریک انصاف کو بڑا جھٹکا لگ گیا …

Leave a Reply

Your email address will not be published. Required fields are marked *