Breaking News

پاکستان تحریک انصاف اور اپوزیشن میں زور کا جوڑ۔۔۔!!!قومی اور صوبائی اسمبلی کی کتنی نشستوں پر الیکشن کل ہوگا؟ تازہ ترین خبر

اسلام آباد(نیوز ڈیسک) سینٹ سے پہلے ضمنی الیکشن نے ماحول گرما دیا۔ ضمنی الیکشن جو کہ کل ہونے جا رہا ہے اس میں بڑا مقابلہ دیکھنے کو ملے گا الیکشن کمیشن کی جانب سے جاری شیڈول کے مطابق   این اے 45 کرم، این اے 75 سیالکوٹ، پی پی 51 گوجرانوالہ اور پی کے 63 نوشہرہ میں کل (جمعہ کو) ضمنی انتخابات ہونگے۔

دنیا نیوز کے مطابق پولنگ سٹیشنز کے باہر سیکیورٹی کے لیے رینجرز اور ایف سی کے اہلکار تعینات ہونگے جبکہ پولنگ سٹیشنز کے اندر پولیس تعینات ہوگی۔قومی اسمبلی کے حلقہ این اے 75 ضلع سیالکوٹ کی تحصیل ڈسکہ کی نشست لیگی ایم این اے سید افتخار الدین عرف ظاہرے شاہ کی اگست 2020 میں وفات کے بعد خالی ہوئی تھی۔صوبائی اسمبلی پی پی 51 ضلع گوجرانوالہ شہر وزیر آباد کی نشست پاکستان مسلم لیگ (ن )کے ہی ایم پی اے چودھری شوکت منظور چیمہ کی جون 2020میں کورونا کے باعث وفات کے باعث خالی ہوئی تھی۔ مسلم لیگ ن نے ضمنی انتخابات کے لیے دونوں نشستوں پر خواتین امیدواروں کو میدان میں اتارا ہے۔ حلقہ این اے 75 پر نوشین افتخار کو پارٹی ٹکٹ دیا گیا ہے جو کہ مرحوم سید افتخار الدین کی صاحبزادی ہیں۔حکومتی اتحاد کی جانب سے علی اسجد ملہی میدان میں ہیں۔  پی پی 51 پر ٹکٹ چودھری شوکت منظور چیمہ کی اہلیہ طلعت منظور چیمہ کو دی گئی ہے۔تحریک انصاف کے چوہدری یوسف مہر ان سے مقابلہ کرینگے۔ این اے 45 میں پی ٹی آئی امیدوار فخر زمان خان جمعیت علمائے اسلام کے ملک جمیل خان مدمقابل ہیں۔نوشہرہ میں پی کے 63 پر مسلم لیگ ن کے اختیار ولی اور تحریک انصاف کے عمر کاکا خیل کے درمیان زور کا جوڑ پڑے گا۔

About Admin

Check Also

طریقہ کار تبدیل ، اب شناختی کارڈ کیسے بنوایا جائیگا، فیس کتنی ہوگی اور کتنے دن میں جاری ہو گا؟ پاکستانیوں کیلئے بڑی خبر آگئی

اسلام آباد(نیوز ڈیسک) طریقہ کار تبدیل ، اب شناختی کارڈ کیسے بنوایا جائے گا، شناختی …

Leave a Reply

Your email address will not be published. Required fields are marked *