Breaking News

بوٹ پالش بھی مہنگی ہو گئی اس لیے اب پالش سے پہلے ۔۔۔ مہنگائی کے طوفان پر حامد میر بھی بول پڑے

اسلام آباد(نیوز ڈیسک)یاد رہے کہ گزشتہ روز حکومت نے یوٹیلیٹی سٹورز پر مختلف برانڈز کے گھی کی قیمتیں 40 روپے سے 109 روپے فی کلو تک قیمت بڑھا دی ہے جبکہ اس کے علاوہ دیگر اشیاءبھی مہنگی کر دی گئی ہیں ۔500 گرام سرف کا پیکٹ 5 روپے مہنگا ہو کر 170 روپے کا ہو گیا ہے ، صابن کی قیمت میں 3 روپے ،جوتوں کی پالش کی قیمت میں 10 روپے اضافہ کیا گیا ہے۔

اور آج ہی حکومت نے پیٹرولیم مصنوعات کی قیمتوں میں 12 روپے 44 پیسے فی لیٹر تک اضافہ کر دیا ہے۔وزارت خزانہ کی جانب سے پیٹرولیم مصنوعات کی قیمتوں میں اضافے کا نوٹیفکیشن بھی جاری کر دیا گیا ہے جو فوری طور پر نافذالعمل ہوں گی۔جاری اعلامیے کے مطابق ڈیزل کی قیمت میں 12 روپے 44 پیسے کا اضافہ کیا گیا ہے جب کہ پیٹرول کی قیمت میں 10 روپے 49 پیسے اور مٹی کا تیل 10 روپے 95 پیسے منہگا کیا گیا ہے۔ لائٹ ڈیزل آئل 8 روپے 84 پیسے منہگا کیا گیا ہے۔قیمت میں اضافے کے بعد ایک لیٹر پیٹرول 137روپے 79 پیسے کا ہو گیا ہے جب کہ ایک لیٹر مٹی کا تیل 110روپے26 پیسے کا ہو گیا ہے۔ہائی اسپیڈ ڈیزل کی فی لیٹر قیمت134 روپے 48 پیسے ہو گئی ہے جبکہ ایک لیٹر لائٹ ڈیزل آئل 108 روپے 35پیسے کا ہو گیا ہے۔مہنگائی کے طوفان پر سینئر صحافی حامد میر نے ٹویٹر پر پیغام جاری کیا اور کہا کہ ” بوٹ پالش بھی مہنگی ہو گئی ہے جی ! پٹرول ساڑھے دس روپے اور ڈیزل ساڑھے بارہ روپے فی لیٹر مہنگا کر دیا گیا ہے اسکے ساتھ ہی ساتھ بجلی بھی مہنگی ہو گئی ہے اور یوٹیلیٹی سٹورز پر کئی اہم اشیاءسمیت بوٹ پالش بھی مہنگی کر دی گئی ہے اب پالش سے پہلے بہت سوچنا پڑیگا بہتر ہو گا پالش نہ ہی کریں۔“

About Admin

Check Also

کیاواقعی ٹیلی نارپاکستان میں اپنےآپریشنز بند کررہاہے؟پی ٹی اے کا ردعمل آ گیا

اسلام آباد(نیوز ڈیسک) پاکستان ٹیلی کمیونیکشن اتھارٹی (پی ٹی اے) نے مشہور ٹیلی کام کمپنی”ٹیلی …

Leave a Reply

Your email address will not be published. Required fields are marked *