Breaking News

آج سے شروع ہونیوالا بارشوں کا سلسلہ کب تک جاری رہے گا؟ محکمہ موسمیات نے پیشنگوئی کر دی

اسلام آباد(نیوز ڈیسک) مغربی ہواؤں کا بارش برسانے والا نیا سلسلہ ہوا کا کم دباؤ آج سے ملک کے بالائی علاقوں پر اثر کرنا شروع کرے گا۔ جس کا فوکس شمال مشرقی پنجاب اور آزاد کشمیر کے علاقوں پر ہوگا۔ اس دوران چند علاقوں میں گرج چمک کے ساتھ تیز بارش اور ژالہ باری بھی ممکن ہے۔

تفصیل کے مطابق آج شام/رات کے دوران سرگودھا، فیصل آباد، چنیوٹ، نورپورتھل، جھنگ، ٹوبہ ٹیک سنگھ، کمالیہ، ساہیوال، اوکاڑہ، ننکانہ صاحب سمیت وسطی پنجاب کے مختلف علاقوں میں گرج چمک کے ساتھ بارش کا امکان ہے۔ آج رات سے جمعہ کے دوران لاہور، قصور، شیخوپورہ، مریدکے، حافظ آباد، نارووال، ڈسکہ، پسرور، شکرگڑھ، سیالکوٹ، گوجرانوالہ، گجرات، منڈی بہاؤالدین، کھاریاں، جہلم سمیت شمالی اور شمال مشرقی پنجاب لاہور اور گوجرانوالہ ڈویژن کے بیشتر مقامات پر زبردست بارش کا امکان ہے۔اس کے علاوہ مری، اسلام آباد، چکوال اور گردونواح کے علاقوں میں کہیں کہیں ہلکی سے معتدل بارش کا امکان ہے۔ آج سے جمعہ کے دورانمظفرآباد، وادی نیلم، باغ، بالاکوٹ، راولاکوٹ، گھڑی دوپٹہ، حویلی، پونچھ، کوٹلی، میرپور، بھمبر، چھمب سمیت آزادکشمیر کے بیشتر مقامات پر اچھی بارش اور پہاڑوں پر برفباری کا امکان ہے۔ اگلے چوبیس گھنٹوں کے دوران شمال مغربی بلوچستان اور وسطی، جنوبی خیبر پختونخوا کے علاقوں میں چند مقامات پر ہلکی بارش کا امکان ہے۔ اگلے چوبیس سے چھتیس گھنٹوں کے دوران گلگت بلتستان اور خیبرپختونخوا کے شمالی علاقوں میں ہلکی سے معتدل بارش اور برفباری کا امکان ہے۔ ملک کے دیگر بیشتر علاقوں میں موسم خشک رہے گا۔ آج اور کل بلوچستان کے زیادہ تر علاقے جبکہ خیبرپختونخوا کے مغربی علاقے طوفانی ہواؤں کی لپیٹ میں رہیں گے۔

About Admin

Check Also

طلبہ کی موجیں، سرکاری و نجی تعلیمی ادارے 2 دن کیلئے بند

اسلام آباد(نیوز ڈیسک) طلبہ کی موجیں، سرکاری و نجی تعلیمی ادارے 2 دن کیلئے بند۔۔۔۔سرکاری …

Leave a Reply

Your email address will not be published.